- देउनिया पुलमा दुर्घटना : मोटरसाइकल चालकको मृत्यु
- झापामा लागूऔषधविरुद्ध प्रहरी अपरेसन : भारतीयसहित १३ जना पक्राउ
- मेची प्रादेशिक अस्पतालको प्रसुति सेवा बन्द !
- बिर्तामोडका कुष्ठ प्रभावितलाई सामग्री हस्तान्तरण
- झापामा सवारी दुर्घटना : एकैदिन चार जनाको मृत्यु
बिर्तामोड-नेपाली भान्सामा अलैँचीको प्रयोग बढाउनेबारे छलफल सुरु भएको छ । नेपाल अलैँची व्यवसायी महासंघले आन्तरिक खपत र उपयोगिताबारे बहस सुरु गरेको हो । यसका लागि महासंघले ‘वाह अलैँची’ अभियान सञ्चालन गरिरहेको छ ।
मास्टर सेफ सन्तोष साहलाई ब्राण्ड एम्वासेडर बनाएर महासंघले स्वीस सरकारको सहज परियोजना र कृषि मन्त्रालयको सहयोगमा अलैँचीको आन्तरिक खपतबारे बहस थालेको अध्यक्ष निर्मल भट्टराईले बताए । उनका अनुसार उत्पादनको करिव पाँच प्रतिशत हिस्सा मात्रै नेपालमा खपत छ ।
‘आन्तरिक खपत बढाउने भनेको नेपाली परिकारमा अलैँचीको प्रयोग हो’, मास्टर सेफ साहले भने, ‘नेपालका ६० प्रकारका परिकारमा अलैँची प्रयोग गर्न सकिँदोरहेछ ।’ उनले हरेक भान्सामा औषधीय गुण भएको अलैँची प्रयोग गर्नुपर्नेमा जोड दिए ।
‘स्वाद अलैँचीको मीठास नेपालको’ भन्ने नारासहित महासंघले थालेको अभियानमा होटल व्यवसायीले पनि साथ दिइरहेका छन् । अहिले नेपालमा उत्पादित अलैँची भारत निर्यात भइरहेको छ । बर्सेनि पाँचदेखि सात अर्व रुपैयाँको अलैँची निर्यात हुन्छ ।