- सरोज ओली स्मृतिग्रन्थ प्रकाशित
- जिप दुर्घटना हुँदा दुई जनाको मृत्यु
- मोरङमा चालक सुध्रिए : कारवाही न्युन !
- सिएम शर्मालाई डी कौडिन्य स्मृति पत्रकारिता पुरस्कार
- एमालेलाई एक्ल्याउने प्रयास भइरहेको छ : केपी ओली
बिर्तामाेड– बिर्तामोड उद्योग वाणिज्य संघले पक्राउ परेका सङ्घका अध्यक्ष र वरिष्ठ उपाध्यक्षसहित ११ जनालाई विनाशर्त रिहा नगरे थप सशक्त आन्दोलन गर्ने चेतावनी दिएको छ ।
सङ्घका महासचिव अर्जुन मैनाली र जनसम्पर्क उपाध्यक्ष नैनकला भट्टराईले आज प्रेस विज्ञप्ति निकालेर अध्यक्ष प्रकाश सिवाकोटी र वरिष्ठ उपाध्यक्ष राजु न्याैपानेसहित ११ जनालाई विनाशर्त रिहाईकाे माग गर्नु भएको हो ।
आन्दोलनकाे नाममा नगरपालिकाको गेट भत्काउन खोजेकाे भन्दै प्रहरीले अध्यक्ष शिवाकोटी र वरिष्ठ उपाध्यक्षसहित ११ जनालाई नियन्त्रणमा लिएको थियो ।
बिर्तामोड प्रहरीका डीएसपी रुगमबहादुर कुँवरका अनुसार पक्राउ परेकाहरूलाई इलाका प्रहरी कार्यालय बिर्तामोडमा राखिएको छ ।
पक्राउ पर्नेमा सन्तोष उप्रेती, राधिका चुडाल, कल्पना पुरी, संगीता न्यौपाने, तुलसा तामाङ, निरु अधिकारी, एकता कडरिया विष्टलगायत छन् ।
