विराट अर्जुन उपभोक्ता सहकारीद्वारा डिस्पोजेवल सामग्रीको होलसेल व्यापार सुरु
- स्पीक कर्नरका सम्पादक न्यौपाने सम्मानित
- राष्ट्रिय टीममा फिर्ता आए सन्दीप
- मेची प्रादेशिक अस्पतालमा मन्त्रीको छड्के
- प्रथम अध्यक्षलाई अभिनन्दन गर्दै प्रेस चौतारी झापा
- बिर्तामोड नगरपालिकाद्वारा विपन्न जेष्ठ नागरिकलाई न्यानो कपडा वितरण
बिर्तामोड– विराट अर्जुन उपभोक्ता सहकारी संंस्था लि.ले डिस्पोजेवल तथा सरसफाईका सामग्रीको होलसेल व्यापार सुरु गरेको छ । पुरानो भद्रपुर रोडको आदर्श व्यांक्वेट नजिक पसल राखेर सहकारीले होलसेल व्यापार सुरु गरेको हो ।
दैनिक प्रयोगमा आउने डिस्पोजेवल सामग्रीको व्यवसायिक कारोवार सुरु गरिएको र खरिदकर्ताले होलसेल मूल्यमा ती सामग्री पाउने संस्थाका अध्यक्ष नवीन खरेलले बताउनु भयो ।
सहकारीलाई बचत तथा ऋणको कारोवारमा मात्र केन्द्रीत नगरी व्यवसायिक क्षेत्रमा पनि सहभागी गराउँदै लैजाने नीति अनुसार होलसेल पसल सुरु गरिएको अध्यक्ष खरेलले जानकारी दिनुभयो ।
पसलको आज बिहान आयोजित कार्यक्रममा झापा जिल्ला सहकारी संघका सचिव भवानीप्रसाद दंगालले उद्घाटन गर्नुभयो । उहाँले बिराट उपभोक्ता जस्ता सहकारीको व्यवसायिक प्रवद्र्धनका लागि स्थानीय तहले पनि निश्चित बजेट छुट्याउनु पर्ने बताउनु भयो ।
बिर्तामोड नगरपालिकाका सहकारी अधिकृत डिल्ली दाहालले उत्पादन र व्यवसायिक क्षेत्रमा सहकारी संस्थाले लगानी बढाउँदै लैजानु पर्ने बताउनु भयो ।
तीन खम्वे अर्थनीतिका आधारमा सहकारी एउटा खम्वा भएकोले उसको योगदान पनि विस्तारै फराकिलो हुनु पर्ने दाहालको धारणा छ ।
अधिकृत दाहालले प्रतिस्पर्धी बजारमा उपभोक्ताले सुलभ मूल्यमा पाउनु पर्ने र पसलमा मूल्यसूची अनिवार्य राख्ने व्यवस्था हुनुपर्नेमा जोड दिनुभयो । कार्यक्रममा सुमन शर्मा जमरकट्टेल लगायतले बोल्नु भएको थियो ।