- झापा आइपुगे एमाले अध्यक्ष ओली
- माघ महिनाका लागि निक्षेपको ब्याजदरमा कटौती
- राष्ट्रिय परिवर्तन पार्टीद्वारा झापा ५ मा उम्मेदवारी दिने घोषणा
- इस्टर्न साहाराद्वारा सर्वसाधारणका लागि सेयर निष्कासन गर्ने विशेष प्रस्ताव पारित
- हल्दीबारी जेसीजमा नितेश खरेलको नेतृत्वमा नयाँ कार्यसमिति
बिर्तामोड– व्यवसायीको लगातारको आन्दोलनपछि बिर्तामोड नगरपालिकाले कृषिथोक उत्तर बुधबारे हटियाको वस्तुगत अवस्था अध्ययन गर्न कार्यदल गठन गरेको छ ।
उपमेयर नगेन्द्रप्रसाद संग्रौलाको संयोजकत्वमा कार्यपालिका बैठकले तीन सदस्यीय कार्यदल गठन गरेको हो । कार्यदलमा वडाध्यक्ष रोहित प्रसाई र पूर्व जनप्रतिनिधि गाेपी गिरी सदस्य हुनुहुन्छ ।
बुधबारे हटियाको समस्या र समाधानका उपायसहित कार्यदलले आगामी एक महिनाभित्र बजारको वस्तुगत अवस्था अध्ययन गरी प्रतिवेदन बुझाउने छ ।
कार्यदलको सहजताका लागि नगरपालिकाले अनारमनी गाविसका तत्कालीन अध्यक्ष हर्कलाल गिरी, लोकबन्धु कन्दङवा र पूर्वअध्यक्ष राजेन्द्रप्रसाद लिङदेन सम्मिलित सल्लाहकार समिति पनि गठन गरेको छ ।
कार्यपालिका बैठकले मेयर पवित्रा महतारा प्रसाईमाथि विर्तामोड उद्योग वाणिज्य संघका वरिष्ठ उपाध्यक्ष राजु न्यौपानेले गरेको अमर्यादित कार्यको निन्दा गरेको छ ।
अव उप्रान्त कतैबाट यस प्रकारका अराजक गतिविधि दोहोरिएमा कानुन अनुसार कार्वाही गर्न सम्वन्धित निकायको ध्यानाकर्षण गराउने निर्णय बैठकले गरेको छ ।
