- सार्वजनिक खरिदमा कानुन नबुझी काम गर्न हुँदैन : नगर प्रमुख थोप्रा
- काँकडभिट्टामा ‘न्यू होटल हिकोला हेरिटेज’ सञ्चालनमा रोक लगाउन उद्योग विभागको आदेश
- सार्वजनिक खरिदमा स्थानीय तहलाई ‘कानुनको पाठ’ : शिवसताक्षीमा चारदिने अभिमुखीकरण
- कोशी सरकारमा माओवादीको इन्ट्री
- स्थानीय विकासमा पत्रकारिता बलियो बनाउन सरोकारवालाको जोड
झापा- भारत पश्चिम बंगालको सिलगुडीदेखि झापाको चारआलीसम्म आगामी आर्थिक वर्षमा अन्तरदेशीय पेट्रोलियम पाइप लाइन विस्तारको काम सुरु हुने भएको छ ।
गभर्नमेन्ट टुु गभर्नमेन्ट’ अर्थात जीटुुजी मोडेलमा पाइप लाइन विस्तारको काम सुरु गर्ने तयारी भएको हो । यसका लागि मन्त्रिपरिषद्ले सैद्धान्तिक सहमति दिइसकेको नेपाल आयल निगमले जनाएको छ ।
निगमका कार्यकारी निर्देशक उमेशप्रसाद थानीले जीटुुजी मोडेलमा पाइप लाइन निर्माण गर्न इण्डियन आयल कर्पाेरेसन (आईओसी) सँग प्रस्ताव पेस गरिएको बताउनुभयो ।
पाइप लाइन निर्माण कार्य अगाडि बढाउने विषयमा दुवै पक्षबीच छलफल गर्न इन्डियन आयल कर्पाेरेसनका उच्च अधिकारी यसैसाता नेपाल आउने भएका छन् ।
सिलगुडीदेखि चारआलीसम्म ५० किलोमिटर दूरीमा पाइप लाइन बनाउन लागिएको हो । भारततर्फ ३५ किलोमिटर र नेपालतर्फ १५ किलोमिटर दूरीमा पाइप लाइन विस्तार हुने निगमले जनाएको छ ।
सिलगुडी–चारआली पाइप लाइन निर्माणमा ११ अर्ब रुपैयाँ लागत लाग्ने अनुमान गरिएको कार्यकारी निर्देशक थानीले जानकारी दिनुभयो ।
मुलुकमा खपत हुने कुल इन्धनको १६ प्रतिशत प्रदेश १ मा खपत हुन्छ । निगमले यो क्षेत्रमा चाहिने पेट्रोलियम पदार्थ भारतको बरौनी र सिलगुडीबाट ढुवानी गर्दै आएको छ ।
सिलगुडीदेखि झापाको चारआलीसम्म पाइप लाइनबाट आउने पेट्रोलियम पदार्थ भण्डारण गर्न ४० हजार किलोलिटर क्षमताको भण्डारण गृह निर्माण गर्न पनि प्रस्ताव गरिएको छ ।
