- ग्रीन फिल्डमा एआई-रोबोटिक्स ल्याब : शिक्षालाई आधुनिक प्रविधिसँग जोड्ने अभियान
- पत्रकार गौतम प्रेस युनियनको केन्द्रीय सदस्य मनोनित
- प्रहरीको गोलीबाट युवकको मृत्युपछि सुनसरी तनावग्रस्त : अनिश्चितकालीन कर्फ्यु
- बुट्टावारी गोल्डकपमा ३ लाख ३६ लाख बचत
- मेची क्राउनमा स्वामित्व फेरबदल : क्षमादेवी ग्रुप बाहिरियो, सापकोटा बने बहुमत शेयरधनी
बिर्तामोड– राप्रपाले बढ्दो महंगी, भ्रष्टाचार र कुशासनको विरोध गर्दै सरकारको ध्यानाकर्षण गराएको छ । महंगीको मारमा परेका जनताको मनोभावना बुझ्न नसकेको जनाउँदै राप्रपाले देशव्यापीरुपमा सरकारलाई एकसाथ खबरदारी गरेको हो ।
राप्रपाका नेता कार्यकर्ताले सरकारको कार्यशैलीको तीव्र आलोचना गर्दै आज ७६ वटा जिल्ला प्रशासन कार्यालयमा ज्ञापनपत्र बुझाएका छन् । झापामा पनि आज दिउँसो जिल्ला प्रशासन कार्यालयमा ज्ञापनपत्र बुझाइएको छ ।
राप्रपा झापाका अध्यक्ष केशव ओझा नेतृत्वमा गएको नेता कार्यकर्ताको समूहले प्रमुख जिल्ला अधिकारी छविलाल रिजाललाई ज्ञापनपत्र बुझाउँदै सरकारलाई खबरदारी गरेको राप्रपा बिर्तामोड नगर कमिटी अध्यक्ष रञ्जु प्याकुरेलले बताउनु भयो ।
ज्ञापनपत्र बुझाउनुअघि राप्रपा नेता कार्यकर्ताले सदरमुकाममा सरकारविरुद्ध नाराबाजी गरेका थिए । राप्रपाले किसानलाई तत्काल मल बीउ उपलब्ध गराउन माग गरेको छ ।
कालोबजारी नियन्त्रण गर्न प्रभावकारी संरचना र नीति कायम गरिनु पर्नेमा राप्रपाले जोड दिएको छ । उसले इन्धन र खाना पकाउने एलपी ग्यासमा भइरहेको मूल्यबृद्धि अविलम्व रोक्नु पर्ने जनाएको छ ।
