- पत्रकार परियारलाई घरबाटै उठाउने धम्की
- एमाले महाधिवेशमा २४ सय प्रतिनिधि
- जेनजी आन्दोलनका शहीदको सूची राख्न निर्देशन
- झापामा तीन लाख ५० हजार मेट्रिक टन धान उत्पादन : बेमौसमी वर्षाका कारण ७८ करोडको नोक्सानी
- नाइट क्लवमा आगलागी : चार नेपालीसहित २५ जनाको मृत्यु
बिर्तामोड– नेकपा एमाले बिर्तामोड नगर कमिटीले आफ्नो पार्टीका तर्फबाट वडाध्यक्षका चारजना उमेद्वारले हार ब्यहोर्नु परेको विषयमा गम्भीर समीक्षा गर्ने भएको छ ।
अथक मेहनत र प्रयासका बाबजुत पनि उनीहरुलाई जिताउन नसकिएको भन्दै नगर कमिटीले हारको कारण खोज्ने भएको हो ।
नगर कमिटीका अध्यक्ष सुभाष भट्टराईले योग्य र सक्षम चारजना वडाध्यक्षका उम्मेदवार पराजित भएकोप्रति दुःख व्यक्त गरेका छन् । उनले हारको कारण खोजिने र त्यस विषयमा गम्भीर समीक्षा गरिने जानकारी दिए ।
नेकपा एमालेले उठाएका उम्मेदवारमध्ये बिर्तामोड–५ मा राजेन्द्रप्रसाद लिङ्देन, वडा नम्बर–६ मा बुद्धिप्रसाद भट्टराई, वडा नम्बर–८ मा विष्णुकुमार भट्टराई र वडा नम्बर–१० मा रिमानध्वज लोक्ताम पराजित भएका थिए ।
चुनावी प्रचार अभियान र पार्टी प्रतिनिधि परिचालन पछाडिको समग्र रिपोर्टका आधारमा ती वडामा हार नहुने निष्कर्ष एमालेको थियो ।
जित्ने विश्वस्त आधार भएका वडामा हार व्यहोर्नु परेकोप्रति नेता कार्यकर्ताले सामाजिक सञ्जालमा अनेकथरि आलोचना र टिप्पणी गरिरहेका छन् ।
‘हारका मुख्य कारणहरुको बारेमा पार्टीमा सुक्ष्म ढंगले समीक्षा गरिने प्रतिबद्धता व्यक्त गर्दछु’, शनिवार राति नगर कमिटी अध्यक्ष भट्टराईले सामाजिक सञ्जाल फेसबुकमा लेखेका छन् ।
उनको स्टाटसमा कमेन्ट गर्ने अधिकांश फेसबुक प्रयोगकर्ताले पार्टीका उमेद्वारप्रति घात गर्नेलाई कार्बाही गर्नु पर्ने धारणा राखेका छन् ।
सञ्जाल प्रयोगकर्ता गौरीशंकर गुप्ता कमेन्ट गर्दै लेख्छन, ‘अरु कुनै फेक्टर होइन । एमाले फेक्टर नै प्रमुख कारण हो । ८ सूर्य ७ छाप हुनु पर्नेमा, वडा अध्यक्ष बाहेकको ६ छाप वाला मतपत्र धेरै पाइयो ।’
अर्का प्रयोगकर्ता युवराज गौतमले गद्दारहरुमाथि कार्वाही गर्नुपर्ने धारणा राखेका छन् । उनले लेखेका छन्, ‘चुनाव हराइसकेपछि मनोकामना पूरा भएको अभिव्यक्ति दिने लाल गद्दारलाई सम्बन्धित माथिल्लो कमिटीबाट यथाशीघ्र कारबाही होस्, नभए पार्टीमा ठूलो समस्या नआउला भन्न सकिने अवस्था छैन् ।’
