शानदार जीतसँगै बिर्तामोडमा एमालेको विजय जुलुस (फाेटाे फिचर)
- स्पीक कर्नरका सम्पादक न्यौपाने सम्मानित
- राष्ट्रिय टीममा फिर्ता आए सन्दीप
- मेची प्रादेशिक अस्पतालमा मन्त्रीको छड्के
- प्रथम अध्यक्षलाई अभिनन्दन गर्दै प्रेस चौतारी झापा
- बिर्तामोड नगरपालिकाद्वारा विपन्न जेष्ठ नागरिकलाई न्यानो कपडा वितरण
झापा– नेकपा एमालेले आज बिर्तामोडमा बिजय जुलुस निकालेको छ । एमाले बिर्तामोड नगर कमिटीको आयोजनामा विजय जुलुस निस्किएको हो । नगरपालिका कार्यालय अगाडिबाट निस्किएको विजय जलुसले नगरका विभिन्न भाग परिक्रमा गरेको छ ।
नेकपा एमालेले बिर्तामोडमा शानदार जीत हासिल गरेको खुशीयालीमा निकालिएको विजय जुलुसमा ठूलो संख्यामा नेता कार्यकर्ता र शुभेच्छुक सहभागी भएका छन् ।
एमाले नगर कमिटीले आफ्ना उमेद्वार बिजयी गराउन महत्वपूर्ण भूमिका खेल्ने सबै शुभेच्छुक र मतदातालाई धन्यवाद पनि दिएको छ । एमालेका तर्फबाट बिर्तामोडमा नगर प्रमुख र उपप्रमुखसहितका जनप्रतिनिधि निर्वाचित भएका छन् ।
नगर प्रमुखमा पवित्रा महतरा प्रसाई र उपप्रमुखमा नगेन्द्र संग्रौला बिजयी भएका छन् । वडा नम्वर १,२,३,४,७ र ९ नम्वर वडामा एमालेले प्यानलसहित जीत हात पारेको नगर कमिटी अध्यक्ष सुवास भट्टराईले बताए ।
जुलुसअघि आयोजित सभामा बोल्दै नेकपा एमाले झापाका इञ्चार्ज अग्नि खरेलले सबैलाई समान व्यवहार गरेर एमालेले स्थानीय सरकार चलाउने बताए।
अलग-अलग विचार सिद्धान्त भएका पार्टीहरु एक ठाउँमा डल्लो परेर गठबन्धन गरे पनि त्यसलाई जनताले अस्वीकार गरेर देखाइ दिएको नेता खरेलले बताए ।
उनले विर्तामोडमा देखिएको फोहोर व्यवस्थापनको समस्या समाधान गर्न निर्वाचित जनप्रतिनिधि गम्भीर र संवेदनशील हुने उल्लेख गरे ।
