- झापाका एन्फा रेफ्री लोकराज ढुंगानाको निधन
- शरणार्थी नेता रिजाललाई धरौटीमा रिहा गर्न आदेश
- ११ महिनामा नेपाल भित्रिए नौ लाख विदेशी पर्यटक
- हारेर पनि समूह बिजेता बन्यो झापा गाउँपालिका
- शब्दपत्र डटकमका सम्पादक पुरी पुरस्कृत
झापा– झापाको राजनीतिक केन्द्र बिर्तामोडको स्थानीय तह निर्वाचनको परिणामका विषयमा सर्वत्र चासो छ । नगरबासी मतदाता मात्र होइन, राजनीतिको केन्द्र भागले पनि बिर्तामोडको परिणामबारे निरन्तर चासो राखिरहेको छ ।
निर्वाचन कार्यालयका अनुसार बिर्तामोडमा मत गणनाको सुरुवाती दिनदेखि नेकपा एमालेका उमेद्वारले अग्रता कायम गरिरहेका छन् । मंगलवार बिहानसम्म आइपुग्दा नगर प्रमुखमा एमाले उमेद्वार पवित्रा महतरा प्रसाईको अग्रता छ ।
प्रसाईले ३.९९६ मत प्राप्त गरिरहँदा नेपाली काङ्ग्रेसका उमेद्वार भोजराज सिटौला ३,२७२ मतका साथ पछ्याइरहेका छन् । प्रसाईले सिटौलासँगको मतान्तर बढाउँदै लगेकी छन् । पछिल्लो गणनामा सिटौला ७२४ मतले पछाडि छन् ।
राष्ट्रिय प्रजातन्त्र पार्टीका नगर प्रमुखका उमेद्वार ध्रुव उप्रेती १,३७४ मतका साथ अघि बढिरहेका छन् । जनता समाजवादी पार्टीका उदय गुरुङको ४५ मत छ । स्वतन्त्र उमेद्वार नगेन्द्र अधिकारीले ५ मत पाएका छन् ।
मौलिक जरोकिलो पार्टीका उमेद्वार प्रज्जवल अधिकारीको ८ मत छ । मंगोल नेशनल अर्गनाइजेसनका राजकुमार लावतीले ८२ मत ल्याएका छन् । आमुल परिवर्तन मसिहा पार्टीका मनकुमार खुदाङ लिम्वूको ४ मत छ ।
उपप्रमुखमा पनि एमालेको अग्रता निरन्तर छ । गठबन्धनका तर्फबाट उमेद्वार भएका माओवादी नेता सीपी कडरिया एमाले उमेद्वार भन्दा दोब्बर मतले पछाडि छन् ।
नेकपा एमालेका उपप्रमुखका उमेद्वार नगेन्द्र सङ्ग्रौलाले ४,०७४ मत प्राप्त गरिरहँदा कडरियाको मत २,०६१ छ । यो अहिले बिहान सम्मको गणनाको विवरण हो ।
प्राप्त मतको अवस्था हेर्दा गठबन्धनबाट कडरियालाई ठूलो धोका भएको देखिएको छ । गठबन्धनका प्रमुखका उमेद्वार सिटौला र कडरिया बीचको मत अन्तर १२ सय भन्दाबढी छ ।
राष्ट्रिय प्रजातन्त्र पार्टीका तर्फबाट उपप्रमुखकी उमेद्वार रञ्जु प्याकुरेलको पक्षमा १,५६० मत परेको छ । आफ्नै पार्टीका नगर प्रमुखका उमेद्वार उप्रेती भन्दा लोकप्रिय मत प्याकुरेलको पक्षमा खसेको हो ।
एकीकृत समाजवादीका उपप्रमुखका उमेद्वार तीर्थ सिग्देलले ६९ मत पाएका छन् । जनता समाजवादी पार्टीकी चीजा राईले ४७ मत ल्याएकी छन् ।
विवेकशील साझा पार्टीकी निशा सोनी कर्णले ४७ मत पाएकी छन् । मंगोल नेशनल अर्गनाइजेसनकी रीतादेवी शर्माले ९० मत ल्याएकी छन् । मौलिक जरो किलो पार्टीकी रोमादेवी निरौला घिमिरेको ७ मत छ ।
