- भर्खरै : पेट्रोलियम पदार्थको मूल्य घट्यो
- भर्खरै : झापाको सतासीधाममा दुर्घटना हुँदा एक जनाको मृत्यु
- बुढासुब्बा चोकमा हात्तीको आक्रमणबाट एक जनाको मृत्यु
- पथरी शनिश्चरेमा दुर्घटना हुँदा युवकको मृत्यु
- इखरीपाटीको शुभारम्भ
झापा–नेकपा एमालेले बिर्तामोड नगरपालिकाको प्रमुखमा पवित्रा महतरा प्रसाई र उपप्रमुखमा नगेन्द्र सङ्ग्रौलालाई उमेद्वार बनाउने निर्णय गरेको छ । आज अपरान्ह एमालेको प्रदेश कमिटीले उनीहरुको नाममा सहमति गरेको हो ।
नगर उपप्रमुख रहेकी महतराले टिकट पाउने सम्भावना बढेपछि शुक्रवार पदबाट राजीनामा दिएकी थिइन् । वडाध्यक्ष रहेका सङ्ग्रौलाले पनि राजीनामा बुझाएका थिए ।
नगर प्रमुखका आकांक्षी रहेका सङ्ग्रौला पार्टीको आन्तरिक मतदान प्रक्रियामा सहभागी हुँदा तेस्रो भएका थिए । पार्टीले उनैलाई उपप्रमुखका रुपमा टिकट दिएको हो ।
प्रसाईले कार्यकर्ताको अभिमत अनुरुप पहिलो मतभार पाएकी थिइन् । अन्तत एमालेले कार्यकर्ता पङ्तिबाट प्रकट भएको अभिमतलाई औपचारिक रुपमा अनुमोदन गरेको हो ।
