- बिर्तामोडमा मनोसामाजिक परामर्श सेवा सुरु : वैदेशिक रोजगारीमा जानेलाई पनि सहयोग
- निःशुल्क आँखा शिविरमा ४२१ जनाको परीक्षण
- बिर्तामोडमा असोज ३० गते ‘जमरा एण्ड द बिट्स’, तीन हजार दर्शक सहभागी हुने अनुमान
- बिर्तामोडको किङ्सबरी अब र्याडिसन ब्रान्डमा : थप १०० करोड लगानी गर्ने तयारी
- सर्पदंशबाट नेपालमा वर्षेनि एक हजारको मृत्यु, जनचेतना फैलाउन झापा र मोरङमा कार्यक्रम
बिर्तामोड– जिल्ला बचत संघ झापाले सहकारीमा ऋण सम्वन्धी कागजात व्यवस्थापन विषयक तालिम आयोजना गरेको छ । सदस्य सहकारी संस्थाको सहजताका लागि संघले सोमवार बिर्तामोडमा एकदिने तालिम आयोजना गरेको हो ।
तालिममा संघमा आवद्ध विभिन्न सहकारी संस्थाका सञ्चालक, ऋण उपसमितिका सदस्य र कर्मचारीसहित ८८ जनाको सहभागिता रहेको संघकी व्यवस्थापक नीता बजगाईले बताइन् ।
संघका अध्यक्ष तुलाराम न्यौपानेको अध्यक्षतामा भएको तालिमका सहभागीलाई ऋण सम्वन्धी कागजात र त्यसको बैधानिकता, आधारभूत नापी विधि, धितो मूल्याङ्कन लगायतका विषयमा विज्ञहरुले तालिम दिएका थिए ।
संघका सचिव यामकुमार चुडालले सञ्चालन गरेको तालिममा वरिष्ठ उपाध्यक्ष उपेन्द्रप्रसाद ओलीले स्वागत गरेका थिए । सहभागीलाई अधिवक्ता देवेन्द्र भण्डारी, अमिन कर्मेजय ठाकुर र कोषराज सिंखडाले तालिम दिएका हुन् ।
सहभागीले तालिम उपलब्धिमूलक भएको बताउँदै समय समयमा संघले यस प्रकारका कार्यक्रमलाई निरन्तरता दिनु पर्नेमा जोड दिएको व्यवस्थापक बजगाईले बताइन् ।
