- ओली वंश समन्वय समितिको अधिवेशन सम्पन्न : उमानाथ ओली अध्यक्षमा चयन
- झापा एमालेद्वारा सुकुम्बासी बस्तीमा डोजर चलाएको घटनाप्रति आपत्ति : सरकारको आलोचना
- पेट्रोल-डिजेलको मूल्य घट्यो
- सुकुम्बासीमाथि डोजर र दमन अस्वीकार्य : पूर्व प्रधानमन्त्री खनाल
- घरायसी प्रयोजनका सामग्रीमा रोक छैन : सशस्त्र प्रहरी महानिरीक्षक अर्याल
बिर्तामोड– झापाका दुई लाख भन्दाबढी बालबालिकालाई भोलिदेखि टाइफाइविरुद्धको खोप लगाइने भएको छ । जिल्ला स्वास्थ्य कार्यालयले झापाका २ लाख १५ हजार ३५० बालबालिकालाई टाइफाइडविरुद्धको खोप लगाइने जनाएको छ ।
स्वास्थ्य कार्यालयका खोप अधिकृत ईश्वरी पौडेलले १५ महिनादेखि १५ वर्षसम्मका सबै बालबालिकालाई टाइफाइडविरुद्ध खोप लगाइने बताए । ‘यो अभियानपछि पनि नियमित खोप कार्यक्रम अन्तरगत सरकारले बालबालिकालाई टाइफाइडविरुद्धको खोप लगाइरहन्छ’, उनले भने ।
झापामा विद्यालयबाहिर ३७ हजार १५५ बालबालिका छन् । उनीहरुलाई पनि टाइफाइडविरुद्ध खोप लगाइनेछ । खोप अभियान सञ्चालन गर्न झापामा ६९० खोप केन्द्र तोकिएको छ।
झापामा २२८ खोपकर्मी र ४५६ स्वयम्सेवक परिचालन गर्ने तयारी भएको खोप फोकल पर्सन बालकृष्ण भण्डारीले जानकारी दिए।
