- नर्स अभावको संकट : स्वास्थ्य सेवामा बढ्दो दबाव
- रेमिट्यान्समा उच्च वृद्धि : अर्थतन्त्र वैदेशिक रोजगारमा निर्भर
- मानव सेवा आश्रममा दिवंगत विसुन्केको स्मृतिमा अक्षय कोष
- नयाँ कपडाको प्रलोभनमा बेचिएकी युवतीको उद्धार, एक महिला पक्राउ
- बीपी भट्टराई समाजवादी झापाको अध्यक्षमा सर्वसम्मत
झापा– बिर्तामोड नगरपालिकाको न्यायिक समितिले कार्यकालको चार वर्षमा ३२९ वटा मुद्दाको न्याय निरुपण गरेको छ । लामो समयदेखि मिल्न नसकेका जटिल प्रकृतिका मुद्दामा समेत न्यायिक समितिले छिनोफानो गरी किनारा लगाएको हो ।
बिर्तामोड नगरपालिकाकी उप्रप्रमुख पवित्रा महतारा प्रसाईले न्यायिक समितिका तर्फबाट आज कार्यालयमा पत्रकार सम्मेलन गरी आफ्नो नेतृत्वमा सम्पादन भएका कामबारे अवगत गराएकी हुन् । उनले न्याय निरुपणमा कुनै अन्याय नहुने गरी आफूले काम गरेको बताएकी छन् ।
न्यायिक समिति गठन भएयता नगरपालिकामा ३४७ वटा मुद्दा दर्ता भएका थिए । ‘दर्ता भएकामध्ये समितिले प्रचलित कानुनी व्यवस्थाका आधारमा ३२९ वटा मुद्दाको टुङ्गो लगाएको छ’, पत्रकार सम्मेलनमा उपप्रमुख महताराले भनिन् ।
वडा तहका मेलमिलाप केन्द्रलाई समेत न्याय निरुपणमा अब्बल बनाउन तालिमको व्यवस्था गरी मापदण्ड पुगेकालाई ‘मेलमिलापकर्ता’ मा सूचीकृत गरिएको छ ।
वडा कार्यालयको मेलमिलाप केन्द्रमा पनि सहजरुपमा मेलमिलाप भइरहेको समिति संयोजक महताराले बताइन् ।
