पेट्रोलियम व्यवसायीको आन्दोलन फिर्ता

• स्पीक कर्नरका सम्पादक न्यौपाने सम्मानित
• राष्ट्रिय टीममा फिर्ता आए सन्दीप
• मेची प्रादेशिक अस्पतालमा मन्त्रीको छड्के
• प्रथम अध्यक्षलाई अभिनन्दन गर्दै प्रेस चौतारी झापा
• बिर्तामोड नगरपालिकाद्वारा विपन्न जेष्ठ नागरिकलाई न्यानो कपडा वितरण

झापा– पेट्रोलियम व्यवसायीको आन्दोलन फिर्ता भएको छ । आयल निगमसँग शनिबार चार बुँदे सहमति भएपछि उनीहरुको आन्दोलन फिर्ता भएको हो ।

उनीहरुले चैत ६ देखि ग्यासको पिडिओ खरिद बन्द गर्नेदेखि इन्धन लोड अनलोड बन्द गरेका थिए । भोलिदेखि पूर्णरुपमा इन्धन बिक्री बन्द गर्ने तयारी थियो । त्यस अगावै आयल निगमसँग सहमति भएको हो ।

निगमका प्रवक्ता बिनितमणि उपाध्यायले व्यवसायीको मागको सन्दर्भमा सात दिनभित्र निष्कर्ष निकाल्ने गरी सहमति भएको बताए ।

पेट्रोलियम बिक्रेता कमिसन र ढुवानी भाडा समायोजनसम्बन्धी मागको हकमा सात दिनभित्र र इन्धनको कारोबारसम्बन्धी मागको सम्बन्धमा जेठ १५ सम्मको सक्ने गरी सहमति भएको हो ।

उनीहरुसँगै एलपी ग्यास उद्योग संघ र पेट्रोलियम डिलर्स, ढुवानी व्यवसायी र उद्योगीको आन्दोलन फिर्ता भएको हो ।

बाह्य तथा आन्तरिक ढुवानी साधनको भाडामा डिजेलको मूल्य अनुपातमा घटबढ हुने गरी स्वचालित भाडा कायम गर्न माग गर्दै व्यवसायीहरु एक साताअघिदेखि आन्दोलनमा थिए ।