झापाको कनकाई नगरपालिकामा पशु बीमा कार्यक्रम सुरु
- स्पीक कर्नरका सम्पादक न्यौपाने सम्मानित
- राष्ट्रिय टीममा फिर्ता आए सन्दीप
- मेची प्रादेशिक अस्पतालमा मन्त्रीको छड्के
- प्रथम अध्यक्षलाई अभिनन्दन गर्दै प्रेस चौतारी झापा
- बिर्तामोड नगरपालिकाद्वारा विपन्न जेष्ठ नागरिकलाई न्यानो कपडा वितरण
कनकाई– झापाको कनकाई नगरपालिकामा पशु बीमा कार्यक्रम सुरु भएको छ । बुधवार नगर प्रमुख राजेन्द्रकुमार पोखरेलले वडा नम्वर–९ को घैलाडुब्बामा पशु बीमा कार्यक्रम शुभारम्भ गरेका हुन् ।
कार्यक्रममा बोल्दै नगर प्रमुख पोखरेलले कृषि तथा पशुपालनलाई प्राथमिकता दिने नगरको नीति अनुसार पशु वीमा कार्यक्रम सुरु गरिएको बताए । ‘निर्वाचनका बेला जनतासँग गरेका सबै बाचा लगभग पूरा हुन लागेका छन्’, नगर प्रमुख पोखरेलले भने ।
कनकाई नगरपालिका र हेफर प्रोजेक्ट नेपालको साझेदारी तथा अभियान नेपालको सहजीकरणमा कृषि तथा पशुपालन उद्यमशीलता विकास परियोजना अन्तर्गत पशु वीमा कार्यक्रम सुरु भएको हो ।
हिमालयन इन्स्योरेन्स कम्पनीसँग १५ दिनअघि भएको सम्झौता अनुरुप पशु बीमा कार्यक्रम सुरु भएको नगर प्रमुख पोखरेलले बताए । उनले पशु बीमा कार्यक्रममा सहभागी हुन सबै नगरबासी कृषकलाई आग्रह पनि गरेका छन् ।
पशु वीमा कार्यक्रमका लागि संघीय सरकारबाट ८० प्रतिशत प्रिमियम अनुदानमा उपलव्ध हुने छ । कनकाई नगरपालिकाबाट थप एक लाख रुपैंयाँ बराबरको प्रिमियम अनुदान व्यवस्थापन गरिएको परियोजनाका प्राविधिक संयोजक जीवन सुवेदीले जानकारी दिए ।
एउटा पशु चौपायाको एक लाख बराबरको बीमा गर्दा कृषकले ६५० रुपैयाँ बुझाउनु पर्छ ।