- बिर्तामोड पूर्णखोप सुनिश्चित पालिका घोषित
- बिर्तामोडको बजेट १ अर्ब १५ करोड : पूर्वाधारमा सबैभन्दा बढी लगानी
- संस्थापनइतरको मुख्य मागमै सभापति थापाको गम्भीर असन्तुष्टि
- झापाका सञ्चारमाध्यम आर्थिक संकटमा : आम्दानी र खर्च असन्तुलित
- गौरीगञ्जमा सर्पको टोकाइबाट वृद्धाको मृत्यु
बिर्तामोड– मेची महाकाली बुहारी संयुक्त आवाजकी केन्द्रीय उपाध्यक्ष चन्द्रा काफ्लेले जन्मदिनको अवसरमा आश्रित बालबालिकालाई शनिवार सहयोग गरेकी छन् । बिर्तामोड–४ स्थित लालीगुँरास टोलमा अवस्थित तारा नमस्ते बालग्राममा आश्रित बालबालिकालाई उनले खाद्य तथा विस्तारा सामग्री सहयोग गरेकी हुन् ।
संयुक्त आवाजकी जिल्ला उपाध्यक्ष गंगा भट्टराईका अनुसार संस्थाकी केन्द्रीय अध्यक्ष यामु शर्मा सुब्बाको सहयोगमा उपाध्यक्ष काफ्लेले बालबालिकालाई ती सामग्री हस्तान्तरण गरेकी छन् । आज काफ्लेको जन्मदिन हो ।
तारा बालग्रामकी कोषाध्यक्ष यशोदा पोखरेललाई ती सामग्री हस्तान्तरण गरिएको उपाध्यक्ष भट्टराईले बताइन् । बालग्राममा १८ जना बालबालिका आश्रित छन् । उनीहरुको पालनपोषणका लागि दाताले समय समयमा सहयोग गर्दै आएका छन् ।
सहयोग हस्तान्तरण कार्यक्रममा संयुक्त आवाजकी झापा जिल्ला संयोजक शिखा खड्का, सचिव कविता थापा, दमक उपशाखा संयोजक जमुना निरौला, उपशाखा सचिव रिना राई, जिल्ला सल्लाहकार रञ्जु प्याकुरेल, आजीवन जिल्ला सदस्य सम्झना दंगाल लगायतको सहभागिता रहेको थियो ।
