- झापा आइपुगे एमाले अध्यक्ष ओली
- माघ महिनाका लागि निक्षेपको ब्याजदरमा कटौती
- राष्ट्रिय परिवर्तन पार्टीद्वारा झापा ५ मा उम्मेदवारी दिने घोषणा
- इस्टर्न साहाराद्वारा सर्वसाधारणका लागि सेयर निष्कासन गर्ने विशेष प्रस्ताव पारित
- हल्दीबारी जेसीजमा नितेश खरेलको नेतृत्वमा नयाँ कार्यसमिति
बिर्तामोड– मेची महाकाली बुहारी संयुक्त आवाजकी केन्द्रीय उपाध्यक्ष चन्द्रा काफ्लेले जन्मदिनको अवसरमा आश्रित बालबालिकालाई शनिवार सहयोग गरेकी छन् । बिर्तामोड–४ स्थित लालीगुँरास टोलमा अवस्थित तारा नमस्ते बालग्राममा आश्रित बालबालिकालाई उनले खाद्य तथा विस्तारा सामग्री सहयोग गरेकी हुन् ।
संयुक्त आवाजकी जिल्ला उपाध्यक्ष गंगा भट्टराईका अनुसार संस्थाकी केन्द्रीय अध्यक्ष यामु शर्मा सुब्बाको सहयोगमा उपाध्यक्ष काफ्लेले बालबालिकालाई ती सामग्री हस्तान्तरण गरेकी छन् । आज काफ्लेको जन्मदिन हो ।
तारा बालग्रामकी कोषाध्यक्ष यशोदा पोखरेललाई ती सामग्री हस्तान्तरण गरिएको उपाध्यक्ष भट्टराईले बताइन् । बालग्राममा १८ जना बालबालिका आश्रित छन् । उनीहरुको पालनपोषणका लागि दाताले समय समयमा सहयोग गर्दै आएका छन् ।
सहयोग हस्तान्तरण कार्यक्रममा संयुक्त आवाजकी झापा जिल्ला संयोजक शिखा खड्का, सचिव कविता थापा, दमक उपशाखा संयोजक जमुना निरौला, उपशाखा सचिव रिना राई, जिल्ला सल्लाहकार रञ्जु प्याकुरेल, आजीवन जिल्ला सदस्य सम्झना दंगाल लगायतको सहभागिता रहेको थियो ।
