- भर्खरै : पेट्रोलियम पदार्थको मूल्य घट्यो
- भर्खरै : झापाको सतासीधाममा दुर्घटना हुँदा एक जनाको मृत्यु
- बुढासुब्बा चोकमा हात्तीको आक्रमणबाट एक जनाको मृत्यु
- पथरी शनिश्चरेमा दुर्घटना हुँदा युवकको मृत्यु
- इखरीपाटीको शुभारम्भ
झापा– प्रधानमन्त्री कृषि आधुनिकीकरण परियोजनामार्फत झापामा व्यवसायिक केरा खेती गर्दै आएका कृषकलाई ढुवानी साधन प्रदान गरिएको छ ।
झापा गाउँपालिका–३ रंगेथानको साधना साँस्कृतिक नमुना कृषक समूहलाई केरा खेतीको प्रवद्र्धन गर्न ८५ प्रतिशत अनुदानमा पिकअफ भ्यान प्रदान गरिएको हो ।
२३ लाख ६० हजार रुपैयाँको उक्त पिकअफ भ्यान प्रदेश सरकारका कृषि मन्त्री झलकसिंह दर्लामीले शनिवार हस्तान्तरण गरेका हुन् ।
रंगेथान क्षेत्रमा हाल १०५ हेक्टर जमिनमा १४ जना कृषकले सामूहिक केरा खेती गर्दै आएका छन् ।
ढुवानी साधन नहुँदा उत्पादन विक्रीका लागि विचौलियाको भर पर्नु परेको कृषक चन्द्र बस्नेतले बताए । बस्नेत केरा खेतीका लागि इजरायलमा साना किसान कृषि सहकारी मार्फत तालिम लिएर स्वदेश फर्किएका हुन् ।
कृषि मन्त्री दर्लामीले कृषिमार्फत देशलाई आत्मनिर्भर बनाउन सरकार लागिपरेको बताए । ‘उन्नत मल विउ र प्रविधि उपलब्ध गरउन सरकार तयार छ’, उनले भने ।
झापा गाउँपालिकाका प्रमुख जयनारायण साहले केरा र मकै खेतीका लागि देशकै नमुना भए पनि कृषकले उचित मूल्य नपाउँदा समस्या भएको बताए ।
