नेपाल आइस झापा गोल्डकपको मुख्य प्रायोजक

• स्पीक कर्नरका सम्पादक न्यौपाने सम्मानित
• राष्ट्रिय टीममा फिर्ता आए सन्दीप
• मेची प्रादेशिक अस्पतालमा मन्त्रीको छड्के
• प्रथम अध्यक्षलाई अभिनन्दन गर्दै प्रेस चौतारी झापा
• बिर्तामोड नगरपालिकाद्वारा विपन्न जेष्ठ नागरिकलाई न्यानो कपडा वितरण

बिर्तामोड-चौधरी गु्रपको उत्पादन नेपाल आइसले झापा गोल्डकपको प्रायोजन गर्ने भएको छ । नेपाल आइसले मुख्य प्रायोजकका रुपमा झापा गोल्डकपसँग आइतवार सम्झौता गरेको हो ।

चारपानेस्थित सहारा नेपालको सभाहलमा झापा गोल्डकपका अध्यक्ष विनोद बस्नेत र नेपाल आइसका तर्फबाट ब्रान्डिङ तथा मार्केटिङ सिनियर मेनेजर मनीष सिंहले सम्झौतामा हस्ताक्षर गरेका छन् ।

पाँचौ संस्करकणको झापा गोल्डकप फागुन २१ गतेदेखि ३० गतेसम्म डोमालाल राजवंशी रंगशालामा आयोजना हुँदैछ । रंगशालामा करिब १० हजार दर्शक अट्ने बाँसको प्यारापिट बनाउन थालिएको छ ।

पाँचौँ संस्करणको झापा गोल्डकपको विजेताले नगद १२ लाख ५५ हजार र उपविजेताले नगद छ लाख पाँच हजार रुपैयाँ प्राप्त गर्नेछ । गोल्डकप सम्पन्न गर्न एक करोड ४० लाख रुपैयाँ खर्च लाग्ने अनुमान गरिएको छ ।

प्रतियोगितामा आयोजक झापा ११ फुटबल क्लब, विभागीयसहित नेपालका ए डिभिजन क्लब र विदेशी क्लबको सहभागिता रहने झापा गोल्डकपका संरक्षक जलकुमार गुरुङले जानकारी दिए ।