काँकडभिट्टाको एसएस फुटवेयरमा आगलागी

• स्पीक कर्नरका सम्पादक न्यौपाने सम्मानित
• राष्ट्रिय टीममा फिर्ता आए सन्दीप
• मेची प्रादेशिक अस्पतालमा मन्त्रीको छड्के
• प्रथम अध्यक्षलाई अभिनन्दन गर्दै प्रेस चौतारी झापा
• बिर्तामोड नगरपालिकाद्वारा विपन्न जेष्ठ नागरिकलाई न्यानो कपडा वितरण

झापा- झापाको मेचीनगर-६ काँकडभिट्टास्थित बर्मेली टोलमा रहेको एसएस फुटवेयरमा आज मध्यान्हदेखि आगलागी भइरहेको छ । श्याम खेताङले सञ्चालन गरेको उक्त जुत्ता फ्याक्ट्रीमा आगलागी भइरहेको हो ।

आगलागी नियन्त्रणका लागि इलाका प्रहरी कार्यालय काँकडभिट्टाबाट प्रहरी नायव उपरीक्षकको कमाण्डमा प्रहरी टोली खटिएको छ । बिर्तामोड र भद्रपुर नगरपालिकाबाट गएका वारुणयन्त्रले आगो निभाउन सघाइरहेका छन् । यद्यपि आगो नियन्त्रणमा आउन सकेको छैन् ।

आगलागीको कारण नखुलेको जिल्ला प्रहरी कार्यालय झापाका प्रवक्ता डीएसपी बसन्त पाठकले बताए । आगलागी सुरु भएको ४५ मिनेटपछि मात्रै घटनास्थलमा बारुणयन्त्र पुगेका छन् ।

छेउमा रहेको मेचीनगर नगरपालिकाको बारुणयन्त्र बिग्रिएकाले अरु स्थानीय तहको बारुणयन्त्रमा भर पर्नु परेको छ ।