साझामञ्चद्वारा कार्यक्रम प्रायाेजक सहकारी संस्थालाई सम्मान
- स्पीक कर्नरका सम्पादक न्यौपाने सम्मानित
- राष्ट्रिय टीममा फिर्ता आए सन्दीप
- मेची प्रादेशिक अस्पतालमा मन्त्रीको छड्के
- प्रथम अध्यक्षलाई अभिनन्दन गर्दै प्रेस चौतारी झापा
- बिर्तामोड नगरपालिकाद्वारा विपन्न जेष्ठ नागरिकलाई न्यानो कपडा वितरण
बिर्तामोड– साझामञ्च मिडिया प्रा लि.ले अन्तर सम्वाद तथा सम्मान कार्यक्रम आयोजना गरेको छ । मिडिया प्रा लि. ले टेलिभिजन कार्यक्रम साझा सहकारी मञ्च को १०० औं श्रृङखलाको अवसर पारेर प्रायोजकलाई सम्मान गरेको हो ।
मिडिया प्रालिका अध्यक्ष एकराज कार्कीको अध्यक्षता र पूर्व महान्यायाधीवक्ता एमाले नेता अग्नि खरेलको प्रमुख आतिथ्यमा भएको कार्यक्रममा उपाध्यक्ष खड्ग दाहालले स्वागत गरेका छन् ।
सम्मानित हुनेमा मुख्य प्रायोजक नेपाल बहुउद्येश्यीय सहकारी संस्था, कर्णाली वचत तथा ऋण सहकारी संस्था, सिम्रिक वचत तथा ऋण सहकारी संस्था, सञ्जीवनी वचत तथा ऋण सहकारी संस्था र सतासी बहुमुखी सहकारी संस्था रहेका छन्।
मिडिया प्रा लि. ले कार्यक्रम प्रशारक संस्था सूर्योदय टेलिभिजनलाई पनि सम्मान गरेको छ । टेलिभिजनका अध्यक्ष मनोज उप्रेतीले झोले मिडिया हाउसका कारण व्यवसायिक मिडिया संकटमा परेको बताए ।
कार्यक्रममा बोल्दै बिर्तामोड नगरकी उप प्रमुख पवित्रा महताराले कतिपय सञ्चारमाध्यममा वास्तविक भन्दा फरक समाचार आउने क्रम बढ्दै गएकोमा चिन्ता व्यक्त गरिन्। उनले सत्यतथ्यमा आधारित भएर समाचार सामग्री उत्पादन र प्रसारण गर्न पत्रकारहरुलाई आग्रह पनि गरेकी छन् ।
झापा जिल्ला सहकारी संघका अध्यक्ष गणेश ढकालले अथक मेहनत र लगनशीलताले सहकारी सम्बन्धी कार्यक्रम प्रशारण भइरहेकोमा खुशी व्यक्त गरे ।
मुख्य प्रायोजक नेपाल बहुउद्देश्यीय सहकारी संस्थाका अध्यक्ष रामचन्द्र उप्रेतीले मोफसलमा सहकारी बिट समातेर कार्यक्रम बनाउनु आफैँमा चुतौतिपूर्ण काम भएको बताए ।
कार्यक्रमका प्रमुख अतिथि एमाले नेता खरेलले संविधानले सहकारीलाई उच्च प्राथमिकता दिएको बताए । समाजवादको यात्रामा सहकारी अनिवार्य भएको नेता खरेलको धारणा छ ।
एमाले नेता खरेलले नबुझी समाचार लेख्ने प्रवृत्ति बढेको भन्दै व्यक्तिगत विषयलाई समाचारको बिषय नबनाउन अनुरोध गरे ।
साझामञ्चका सम्पादक गोपाल काफ्लेले टेलिभिजन कार्यक्रम सञ्चालन गर्दाका चुनौती र अप्ठ्यारालाई पार गर्दै सयौं श्रृंखलासम्म कार्यक्रम आइपुग्नुमा प्रायोजक संस्थाहरूको ठूलो सहयोग र सद्भाव रहेको बताए ।