- समृद्धिका लागि संकल्प यात्रा : झापामा तयारी सुरु
- बिर्तामोडबाट मोटरसाइकल चोर्ने एक जना पक्राउ
- उर्लावारी आगलागी घटना : ज्यान गुमाउनेको संख्या पाँच पुग्यो
- राप्रपाका सहसचिव अधिकारीको निधन
- मेचीनगरको देवीगञ्जकी १४ वर्षीया बालिका वेपत्ता, खोजीका लागि परिवारको हार गुहार
झापा– मोरङ कारागारमा भएको झडपपछि झापा कारागार स्थानान्तरण गरिएका नौ जना कैदीबन्दी रातभर गाडीमा बस्न बाध्य भएका छन् । कारागारको आन्तरिक प्रशासनले उनीहरुलाई राख्न अस्वीकार गरेपछि मोरङबाट झापा ल्याइएका कैदीबन्दीको बास गाडीमै भएको हो ।
मोरङबाट ल्याइएका कैदीबन्दीलाई राख्दा झापा कारागारभित्र थप तनाव हुने भन्दै आन्तरिक प्रशासनले फिर्ता लैजानुपर्ने अडान राखेको थियो । झापा कारागारका कैदीबन्दीले गेट खोल्न समेत अस्वीकार गरेपछि उनीहरु रातभर बाहिरै बस्नुपर्ने अवस्था आएको झापा कारागारकी निमित्त जेलर हिमा पौडेलले बताइन् ।
‘गएराति आठबजे नौ जनालाई झापा कारागार ल्याइएको थियो, तर कैदीबन्दीले गेट खोल्न नमानेपछि विवाद भयो’, निमित्त जेलर पौडेलले भनिन्, ‘अहिले बिहान विवाद समाधान भएको छ ।’ आन्तरिक प्रशासनसँगको सहमतिपछि मोरङबाट स्थानान्तरण गरिएकामध्ये चार जनालाई झापा कारागारमा राखिएको छ ।
बाँकी पाँच जनालाई इलाम कारागार लगिएको छ । रामबहादुर लिम्वू, डिल्ली देवान कपिलकुमार साह र बबिहाङ राईलाई झापा कारागारमा राखिएको निमित्त प्रमुख पौडेलले जानकारी दिइन् । कैदीबन्दीको अहिलेको संख्या थेगिनसक्नु भइरहेका बेला थप कैदीबन्दी ल्याउँदा समस्या हुने कारागार प्रशासनले जनाउँदै आएको छ । झापा कारागारमा १२८० कैदीबन्दी छन् ।
विराटनगरको हाटखोलास्थित कारागार मोरङमा दोहोरो झडप भएपछि चौकीदार किरण गुरुङसहित १४ जनालाई मोरङबाट सुनसरीको झुम्का र झापा कारागार स्थानान्तरण गरिएकोमा पाँच जनालाई इलाम पठाइएको हो । इलाम कारागारका प्रमुख प्रदीप श्रेष्ठले पाँच जना कैदीबन्दी झापाबाट ल्याइँदै गरेको सूचना आएको बताए ।
