- झापाका एन्फा रेफ्री लोकराज ढुंगानाको निधन
- शरणार्थी नेता रिजाललाई धरौटीमा रिहा गर्न आदेश
- ११ महिनामा नेपाल भित्रिए नौ लाख विदेशी पर्यटक
- हारेर पनि समूह बिजेता बन्यो झापा गाउँपालिका
- शब्दपत्र डटकमका सम्पादक पुरी पुरस्कृत
झापा– साहित्य चौतारी झापाले नेपालीको मौलिक परम्परा जोगाई राख्न दक्षिणारहित सामूहिक सडक देउसी आयोजना गरेको छ । नेपाली मौलिक भेषभूषा र बाजागाजासहित साहित्य चौतारीले बिर्तामोडमा आज सडक देउसी खेलेको हो ।
साहित्य, कला, संगीत र संस्कृतिको संरक्षणमा जुटेको साहित्य चौतारीले २०५८ सालदेखि हरेक वर्ष दक्षिणारहित सामूहिक सडक देउसी खेल्दै आएको छ । दक्षिणाका लागि देउसी खेलिने परम्पराको अन्त्य गर्दै साहित्य, कला, संगीत र संस्कृतिको संरक्षण गर्न सामूहिक रुपमा सडक देउसी आयोजना गरिएको साहित्य चौतारी झापाका संरक्षक देवीभक्त श्रेष्ठले बताउनु भयो ।
परम्परागत शैलीमा देउसी भैलो खेल्ने चलन हराउँदै गएको अवस्थामा साहित्य चौतारीले लेखक तथा पत्रकार, कलाकार र सर्जकलाई जम्मा पारेर सडक देउसी खेलेको हो । अघिल्लो वर्ष कोरोना संक्रमणका कारण सामूहिक देउसी आयोजना गर्न नसकिए पनि यसपटक झापाका विभिन्न संघसंस्था देउसीमा सहभागी भएका छन् ।
प्राज्ञसभा सदस्य सुभद्रा अर्यालको प्रमुख आतिथ्यमा आयोजित सडक देउसीको बयोबृद्ध लोकनाथ पौडेलले परम्परागत शैलीमा देउसी भट्याएर उद्घाटन गर्नु भएको थियो । सहभागीहरुले बिर्तामोडको चोक चोकमा देउसी भट्याउँदै सांगीतिक प्रस्तुतिसहित सामूहिक नाचगान गरेको साहित्य चौतारीका सहसचिव देवीचरण भण्डारीले बताउनु भयो ।
संगीत विभाग प्रमुख दीपक रायमाझीले स्वागत गरेको कार्यक्रममा मिस झापा सेविका श्रेष्ठलाई पनि सम्मान गरिएको छ ।
