- घिसिङलाई हटाउने निर्णयप्रति कांग्रेस महामन्त्री शर्माको आपत्ति
- कुलमानलाई पदमुक्त गर्ने सरकारको निर्णय
- एक्सेल विकास बैंकको साधारण सभा : वित्तीय दायरा फराकिलो बनाउने बाटो खुला
- पत्रकार महासंघद्वारा प्रेस काउन्सिलका पूर्वअध्यक्ष बस्नेतको निधनमा दुःख व्यक्त
- राप्रपाभित्र आन्दोलनको नेतृत्वको विषयमा विवाद
इलाम– इलाममा बाढी पहिरोपीडित परिवारलाई राहत वितरण गर्न थालिएको छ । कात्तिक २ र ३ गते वर्षाका कारण ज्यान गुमाएका परिवारलाई सरकारका तर्फबाट राहत वितरण शुरु भएको हो ।
देउमाई नगरपालिका–४ मा लुतिमाई खोल्सीले बगाउँदा मृत्यु भएकी ४७ वर्षीया सरिता आचार्यको परिवारलाई दुई लाख उपलब्ध गराइएको छ । घटनामा उनका श्रीमान् दीपक भने भाग्न सफल भएका थिए ।
पीडित परिवारको घरमै पुगेर प्रमुख जिल्ला अधिकारी ध्रुवबहादुर खड्कासहितको टोलीले रकम हस्तान्तरण गरेको हो । त्यस्तै देउमाई नगरपालिकाको तर्फबाट पीडित परिवारलाई ५० हजार प्रदान गरिएको छ ।
जिल्लामा बाढीपहिरोबाट १८ जनाले ज्यान गुमाएका थिए । मृतक सबैको घरमा पुगेर राहत प्रदान गरिने खड्काले जानकारी दिए ।
बाढीपहिरोबाट फाकफोकथुम–६, माङसेवुङ गाउँपालिकामा चार, सूर्योदय नगरपालिकामा तीन तथा माई नगरपालिका र देउमाई नगरपालिकामा एक÷एक जनाको ज्यान गएको थियो ।
बाढीपहिरोबाट जिल्लामा दुई सय ८५ परिवार विस्थापित भएका छन् । यस क्रममा पाँच जना घाइते भएका थिए भने नौ जनाको जीवितै उद्धार गरिएको जिल्ला प्रशासन कार्यालयले जनाएको छ ।
बाढीपहिरोका कारण छ सय ४४ घरगोठमा क्षति पुगेको छ । १९ परिवारलाई सुरक्षित स्थानमा स्थानान्तरण गर्नुपर्ने अवस्था छ । जिल्ला प्रशासन कार्यालयले क्षतिको विवरण सार्वजनिक गरेको छ
