२२ माघ २०७९, आइतबार | Sun Feb 5 2023

विश्व पोलियो दिवसमा रोटरीको र्याली




बिर्तामोड– विश्व पोलियो दिवसको अवसरमा झापाका रोटरी क्लवको आयोजनामा बिर्तामोडमा सचेतना र्यालीसहित मास्क बितरण गरिएको छ ।
रोटरी क्लव अफ बिर्तामोड मिडटाउन, रोटरी क्लव अफ बिर्तामोड, रोटरी क्लव अफ सुरूङ्गा, रोटरी क्लव अफ भद्रपुर, रोटरी क्लव अफ दमक, रोटरी क्लव अफ काँकडभिट्टा र रोटरी क्लव अफ मेचीनगर, रोट्रयाक क्लव अफ बिर्तामोड मिडटाउन, इनरह्वील क्लव अफ बिर्तामोड मिडटाउन लगायतको संयुक्त आयोजनामा कार्यक्रम भएको हो ।

र्यालीले बिर्तामोड नगर परिक्रमा गरेको थियो । पोलियो उन्मूलन गरौं भन्ने नारा लेखिएको टिसर्टसहित र्यालीमा सहभागी रोटरियनहरुले बिर्तामोडमा मास्कसमेत वितरण गरेको रोटरी क्लव अफ बिर्तामोड मिडटाउनका प्रेसिडेन्ट दिनेशकुमार पोखरेलले बताए ।

कार्यक्रम विश्व पोलियो दिवस र्याली ब्यवस्थापन समितिका संयोजक विनोद वस्नेतको संयोजकत्वमा भएको थियो । रोटरी इन्टरनेशनलको पहलमा २४ अक्टोबरका दिन पोलियो दिवस विश्वभर मनाउन सुरु गरिएको हो ।

प्रकाशित मिति : ७ कार्तिक २०७८, आइतबार ००:००  ८ : १३ बजे