- भर्खरै : पेट्रोलियम पदार्थको मूल्य घट्यो
- भर्खरै : झापाको सतासीधाममा दुर्घटना हुँदा एक जनाको मृत्यु
- बुढासुब्बा चोकमा हात्तीको आक्रमणबाट एक जनाको मृत्यु
- पथरी शनिश्चरेमा दुर्घटना हुँदा युवकको मृत्यु
- इखरीपाटीको शुभारम्भ
बिर्तामोड-नेकपा एमालेका अध्यक्ष केपी शर्मा ओलीले लोकतन्त्रको माला जपेर लुटतन्त्र मच्चाउन नपाइने बताएका छन् । नेपाली कांग्रेस नेतृत्वको गठबन्धन सरकारप्रति लक्षित गर्दै एमाले अध्यक्ष ओलीले उक्त धारणा राखेका हुन् ।
बडादशैं लगायतका चाडपर्वको अवसरमा आज आफैंले झापाको बिर्तामोडमा आयोजना गरेको शुभकामना आदानप्रदान तथा चियापान कार्यक्रममा बोल्दै अध्यक्ष ओलीले लोकतान्त्रिक विधि र प्रक्रिया विपरीत सरकार सञ्चालन भएको दाबी गरे ।
लेनदेन र भागवण्डाका आधारमा सरकार सञ्चालन भएको स्पष्ट भएको बताउँदै एमाले अध्यक्ष ओलीले भने, ‘वर्तमान सरकार बार्टर सिस्टममा चलेको छ ।’ लोकतान्त्रिक प्रणालीका शक्ति र निकायहरु आफ्नै स्थान, मर्यादा र सीमामा बस्नुपर्ने अध्यक्ष ओलीले बताए ।
प्रतिपक्षी दल, गरीब, भूमिहीन तथा सुकुम्बासी माथि सरकारले दमन जारी राखे विद्रोह जन्मने चेतावनी दिँदै एमाले अध्यक्ष ओलीले अब कसैले पनि अन्याय नसहने भएकाले यसमा सत्तारुढ दल सजग र सचेत हुनुपर्ने औँल्याए ।
