२२ माघ २०७९, आइतबार | Sun Feb 5 2023

प्रणामी समुदायका अगुवा सम्मानित




बिर्तामोड–
श्रीकृष्ण प्रणामी युवा परिषद् नेपाल जिल्ला कार्यसमिति झापाले विभिन्न समितिका पदाधिकारी सदस्य एवम् अग्रजलाई बधाई तथा शुभकामना व्यक्त गरेको छ ।

विर्तामोडको चारपानेस्थित श्रीकृष्ण प्रणामी मन्दिरको सभाहलमा आयोजित समारोहबीच सत्संग परिषद झापाको नवनिर्वाचित समिति र युवा परिषद नेपाल केन्द्रीय समितिलाई बधाई शुभकामना दिइएको हो ।

केन्द्रीय समितिमा झापाको प्रतिनिधित्व गर्दै उपाध्यक्षमा निर्वाचित शारदाप्रसाद थपलिया र कृष्णप्रसाद बजगाईलाई बधाई दिइएको छ । संस्थाका अध्यक्ष टहलदास ओलीको अध्यक्षतामा सचिव मोहन अधिकारीले सञ्चालन गरेको समारोहमा युवा परिषद्का निवर्तमान राष्ट्रिय अध्यक्ष नमराज ढकाल र पूर्व अध्यक्ष मात्रिका प्याकुरेललाई विशेष सम्मान गरिएको छ ।

समारोहमा सत्संग परिषद् झापाका नवनिर्वाचित अध्यक्ष मिलन वस्नेत र जगदीशचन्द्र शर्माले बधाइपत्र ग्रहण गरेका छन् । पूर्वान्चल क्षेत्रबाट उपाध्यक्षमा टंकप्रसाद ओझा, उप–महासचिवमा शुभाष रिजाल, सदस्यमा मदन अधिकारी, दीपक दिनेश दाहाल, गोपाल ढकाल र राजु कट्टेललाई बधाई तथा सम्मान गरिएको छ ।

युवा परिषद प्रदेश नम्वर १ का संयोजक अनिल ढुंगाना र सचिव खगेन्द्र बाँस्तोलाले पु¥याएको योगदानलाई मुल्यांकन गरी सम्मान पत्र प्रदान गरिएको छ । समारोहका जगतनन्दन महाराजको प्रमुख आतिथ्यमा भएको हो ।

प्रकाशित मिति : २५ आश्विन २०७८, सोमबार ००:००  ८ : ३५ बजे