- बिर्तामोडका कुष्ठ प्रभावितलाई सामग्री हस्तान्तरण
- झापामा सवारी दुर्घटना : एकैदिन चार जनाको मृत्यु
- बसको ठक्करबाट मोटरसाइकल चालक गरामनीका खरेलको मृत्यु
- यी हुन् झिलझिले दुर्घटनामा ज्यान गुमाउने तीन युवक
- झापाको झिलझिलेमा दुर्घटना हुँदा तीन जनाको मृत्यु
भद्रपुर–मेची प्रादेशिक अस्पताल भद्रपुरमा शनिवारदेखि सिटी स्क्यान सेवा सुरु भएको छ । प्रदेश १ का सामाजिक विकास मन्त्री बलबहादुर साम्सोहाङ्ले सेवा शुभारम्भ गरेका हुन् । उनले अस्पताल परिसरमा रहेको अक्सिजन प्लान्टको समेत उद्घाटन गरेका छन् ।
प्रदेश १ सरकारले दिएको ५ करोड १४ लाख ५७ हजार रुपैयाँ बजेटबाट सिटी स्क्यान र अक्सिजन प्लान्ट जडान गरिएको हो । दुवै सेवा सञ्चालनमा आएको अस्पतालका मेडिकल सुपरिटेन्डेन्ट डा. टंक बाराकोटीले बताए ।
मेचीमा सिटी स्क्यान सेवा सञ्चालनमा आएपछि दुर्घटनामा परी टाउकोमा चोट लागेका वा टाउकोमा अन्य समस्या भएका बिरामीलाई अन्यत्र रेर्फर गर्नु पर्ने बाध्यताको अन्त्य भएको छ ।
अस्पतालमा जडान भएको प्लान्टले दैनिक ३५ सिलिण्डर अक्सिजन उत्पादन गर्छ । यसले कोरोना संक्रमण भएर आएका विरामीको उपचारमा सहयोग पुग्छ ।