बिर्तामोड– लामो समयको प्रतिक्षापछि झापाको बिर्तामोडका उद्योगी व्यवसायी कोरोनाविरुद्धको खोप लगाउन पाएका छन् । उद्योग वाणिज्य सङ्घको अग्रसरतामा यहाँका व्यवसायीलाई खोप लगाइएको हो ।
संघमा आवद्ध भएर नियमित व्यवसाय गरिरहेका २५ सय जना व्यवसायीलाई खोप लगाइने बिर्तामोड उद्योग वाणिज्य सङ्घका वरिष्ठ उपाध्यक्ष राजु न्यौपानेले जानकारी दिनुभयो ।
आज र भोलि दुई दिनका लागि बिर्तामोड नगरपालिकासँगकाे सहकार्यमा खाेप अभियान सञ्चालन भइरहेको छ ।
संघमा दर्ता वा नविकरण भएका उद्योगी-व्यवसायीले सरकारले जारी गरेको परिचय पत्र र पानको फोटोकपीका आधारमा खोप लगाइरहेको संख्या प्रवक्ता सञ्जीव घिमिरेले बताउनुभयो ।
