प्रतिदिन दैनिक १५ औँ वर्षमा

बिर्तासिटीले लियो गोपीको उपचार जिम्मा

झापा–आर्थिक अभावमा उपचार गराउन नसकेपछि मृत्युसँग संघर्ष गरिरहेका अर्जुनधारा–६ लक्ष्मीपुरका २८ वर्षीय युवा गोपी बस्नेतको उपचार बिर्तामोडको विर्तासिटी अस्पतालले गरिदिने भएको छ । सञ्चारमाध्ययमा समाचार आएपछि अस्पतालले गोपीको उपचारमा चासो देखाएको हो ।
उपचार अभावमा जिउँदो मान्छे कुहिएर बाँचिरहेको समाचार सञ्चारमाध्यममा प्रकाशित भएको थियो । समाचार देखेर बिर्तासिटीले उपचारमा चासो राखेको हो । मंगलवार गोपीलाई अस्पताल प्रशासनले उपचारका लागि भर्ना गरेको छ ।

२८ वर्षीय गोपीको शरीरका विभिन्न भाग कुहिन थालेका छन् । गोपीको उपचारमा डाक्टर त्रय विजय केसी, नारायण ताजपुरीया र सञ्जिव चौधरीको टोली खटिएको छ । चिकित्सकका अनुसार गोपीको दुर्बलता के कारणले भयो भन्नेबारेमा सम्पूर्ण मेडिकल जाँच गरिनेछ ।

गोपी यातायात मजदुर हुन् । उनी सार्वजनिक यातायातको यात्रुबाहक बसमा सहचालकको रुपमा काम गर्थे । घरको आर्थिक अवस्था उनको आम्दानीले थाम्न नसकेपछि बुवाको सल्लाहमा उनी डेढ वर्ष अघि भारतको बेङ्लोरमा रोजगारीका लागि गएका थिए ।

You may also like...

Leave a Reply

Your email address will not be published. Required fields are marked *