गंगा बराल
भद्रपुर– झापाको भद्रपुर नगरपालिकाले आर्थिक वर्ष ०७७÷०७८ को समीक्षा गोष्ठी सम्पन्न गरेको छ । नगरप्रमुख जीवनकुमार श्रेष्ठको अध्यक्षतामा आइतबार समीक्षा गोष्ठी सम्पन्न भएको हो । गोष्ठीमा नगरपालिका लगायत सबै वडा र विषयगत शाखाहरुका तर्फबाट ०७७÷०७८ मा भएका प्रगति विवरण प्रस्तुत गरिएको थियो ।
निमित्त प्रशासकीय अधिकृत शान्तिराम भट्टराईले स्वागत र प्रशासन प्रमुख नेत्रप्रसाद पोखरेलले सञ्चालन गरेको गोष्ठीमा दशैवटा वडाध्यक्ष र विषयगत शाखाका प्रमुखले प्रगति विवरण प्रस्तुत गरेका थिए ।
- झापाका एन्फा रेफ्री लोकराज ढुंगानाको निधन
- शरणार्थी नेता रिजाललाई धरौटीमा रिहा गर्न आदेश
- ११ महिनामा नेपाल भित्रिए नौ लाख विदेशी पर्यटक
- हारेर पनि समूह बिजेता बन्यो झापा गाउँपालिका
- शब्दपत्र डटकमका सम्पादक पुरी पुरस्कृत
विवरण अनुसार आव ०७७÷०७८ मा समग्रमा ७० प्रतिशतभन्दा माथि प्रगति भएको देखिएको छ । पूर्वाधार विकासतर्फ भने झण्डै ९० प्रतिशत प्रगति हासिल भएको नगरप्रमुख श्रेष्ठले जानकारी दिए ।
गोष्ठीमा चालु आर्थिक वर्षको बजेट र योजनाहरुका बारे पनि चर्चा गरिएको थियो भने यस वर्ष शतप्रतिशत प्रगति हासिल गर्ने प्रतिबद्धता व्यक्त गरिएको थियो ।
उपप्रमुख चन्द्रा श्रेष्ठले वर्षको शुरुमा काममा तीव्रता दिइएको भए पनि कोरोना भाइरसको दोस्रो लहर आएपछि सोचे अनुसार काम हुन नसक्दा प्रगति प्रभावित भएको स्पष्ट पारिन् ।
