भद्रपुर–दुर्घटनामा ज्यान गुमाएका आफ्ना सदस्य दम्पतीको परिवारलाई कर्णाली वचत तथा ऋण सहकारी संस्थाले राहत रकम उपलब्ध गराएको छ । शेयर सदस्य पूर्णबहादुर विष्ट र उनकी पत्नी भीमा विष्टको परिवारलाई सहकारीले राहत रकम उपलब्ध गराएको हो ।
डेढ महिनाअघि दमकको चिया बगानमा ट्रकको ठक्करबाट उनीहरुको घटनास्थलमा मृत्यु भएको थियो । कर्णालीले सदस्य विमावापतको चार लाख रुपैयाँ र उपचार खर्च सहयोग वापतको ८० हजार गरी चार लाख ८० हजार रुपैयाँ शुक्रबार हस्तान्तरण गरेको हो ।
कनकाई नगरपालिकाकी उपप्रमुख मञ्जु प्रसाईंले उक्त रकम बराबरको चेक दिवंगत दम्पतीका छोरा निशान विष्टलाई हस्तान्तरण गरिन् । कर्णालीले विष्ट दम्पतीको निधन भएको ४५ औं दिनको पुण्यतिथिको सन्दर्भ पारेर संस्थाको सामाजिक उत्तरदायित्व अन्तर्गत परिवारलाई राहत रकम वितरण गरिएको संस्थाका अध्यक्ष टीएस प्रधानले बताए ।
- भर्खरै : पेट्रोलियम पदार्थको मूल्य घट्यो
- भर्खरै : झापाको सतासीधाममा दुर्घटना हुँदा एक जनाको मृत्यु
- बुढासुब्बा चोकमा हात्तीको आक्रमणबाट एक जनाको मृत्यु
- पथरी शनिश्चरेमा दुर्घटना हुँदा युवकको मृत्यु
- इखरीपाटीको शुभारम्भ
संस्थाका उपाध्यक्ष ईश्वरीप्रसाद खरेलले औचित्यमाथि प्रकाश पारेको र शिक्षा उपसमितिका सदस्य देवी थापाले सञ्चालन गरेको कार्यक्रममा सुरुंगा सेवाकेन्द्र उपसमिति सदस्य शान्ताकुमारी अधिकारीले स्वागत गरेकी थिइन् ।
कार्यक्रममा जेष्ठ नागरिक पुण्यप्रसाद बाराकोटी, सामाजिक व्यक्तित्व रविन्द्र लम्साल, ख्याम ओली, विष्णु विमली, जेष्ठ नागरिक समाजका पुण्यप्रसाद बाराकोटीलगायतले दिवंगत विष्ट दम्पतीको मेहनत, कामप्रतिको लगाव एवम् शालीनताको चर्चा गर्दै छोराहरुको उज्वल भविष्यका लागि स्थानीय तह, संस्था र समाजले मिलेर सहयोग गर्नुपर्ने बताए ।
सोही अवसरमा मृगौलापीडित शेयर सदस्य कमलबहादुर कार्कीलाई १० हजार उपचार खर्च र कोभिड १९ का कारण ज्यान गुमाएका शेयर सदस्य प्रकाशकुमार राई र उनकी श्रीमती सपना लिम्बूको परिवारलाई पनि नगद राहत रकम उपलब्ध गराइएको थियो ।
झापाको अग्रणी सहकारीहरुमध्येको एक कर्णालीले सदैव सदस्य केन्द्रित कार्यक्रमहरु ल्याउने गरेको बताउँदै संस्थाका सचिव भूपाल वस्नेतले सदस्य तथा तिनको परिवारको स्वास्थ्य र शिक्षाका लागि यसै वर्षदेखि थप सुविधाका कार्यक्रमहरु सञ्चालनमा ल्याइएको जानकारी दिए ।
