बिर्तामोड– झापामा कोरोना संक्रमण घट्ने छाँट देखिएको छैन । संक्रमितको दैनिक तथ्यांकले पनि संक्रमण घट्न नसकेको देखाएको छ । झापामा दैनिक औषध दुई सयको हाराहारीमा संक्रमित थपिइरहेका छन् ।
जिल्ला स्वास्थ्य कार्यालयका अनुसार भदौ १ गते २९९ जनामा संक्रमण पुष्टि भएको थियो भने दुई जनाले ज्यान गुमाएका थिए । भदौ २ गते संक्रमितको संख्या घटेर १८८ जनामा सीमित भएको थियो भने एक जनाको ज्यान गएको थियो । भदौ ३ मा जना १४८ संक्रमित थपिएका थिए ।
भदौ ४ मा १८७ संक्रमित थपिएको जिल्ला स्वास्थ्य कार्यालय झापाले जनाएको छ । उक्त दिन एक जनाको मृत्यु भएको थियो । संक्रमणका कारण झापामा शनिवार साँझसम्म ५३४ जनाको ज्यान गइसकेको छ । पहिलो भन्दा दोस्रो लहरको संक्रमणमा ज्यान गुमाउनेको संख्या अधिक छ । दोस्रो लहरमा ४०५ जनाको ज्यान गइसकेको छ ।
