बिर्तामोड– लायन्स क्लव अफ बिर्तामोड लेडीले प्रकाश बचाउ अभियानमा २१ हजार रुपियाँ सहयोग गरेको छ । मंगलवार लायन्स लेडीको टोलीले घरमा पुगेर रकम हस्तान्तरण गरेको हो ।
बाथरोगबाट थलिएपछि ओछ्यान परेका झापा चारपाने–२ का प्रकाश शर्माको उपचारका लागि समुदायले चासो र चिन्ता व्यक्त गर्दै आर्थिक संकलन अभियान चलाइरहेको छ । आर्थिक अभावका कारण उनको उपचारमा समस्या भएपछि प्रकाश बचाउ अभियान चलिरहेको छ ।
अभियानमा सघाउन लायन्स क्लव अफ बिर्तामोड लेडीको टोली शर्माको घरमा पुगेको हो । क्लवकी अध्यक्ष दुर्गा पाठक थपलिया र संस्थापक अध्यक्ष उर्मिला विमली खरेलले उक्त रकम प्रदान गरेका हुन् ।
रकम हस्तान्तरण कार्यक्रममा क्लवकी महासचिव इन्दिरा प्रसाई, लायन्सकर्मीहरु चन्द्रकला चुडाल, संगीता चिमरिया, निस्मा अधिकारी, सुनिता प्रसाईं, सुस्मा शिवाकोटी, दीपा प्रसाईं, निरा भट्टराई, कला बस्नेत लगायतको उपस्थिति रहेको थियो ।
औषधिको प्रभावका कारण ३२ वर्षीय शर्मा तीन वर्षदेखि ओछ्यानमा छन् । पारिवारिक दायित्व पनि शर्माको काँधमा छ । विरामी परेपछि परिवारलाई गुजारा चलाउन समस्या हुँदै आएको छ ।
