कुलमानको नियुक्तिविरुद्ध सर्वोच्चमा शाक्यकाे रिट

झापा– नेपाल विद्युत प्राधिकरणको कार्यकारी निर्देशकमा कुलमान घिसिङलाई नियुक्त गर्ने मन्त्रिपरिषदको निर्णय खारेजीको माग गर्दै यसअघिका कार्यकारी निर्देशक हितेन्द्रदेव शाक्य सर्वोच्च अदालत पुग्न भएको छ । उहाँले सोमबार सर्वोच्चमा रिट दर्ता गर्नुभएको हो ।

आफू बिदामा बसेको बेला कार्यकारी निर्देशकमा घिसिङलाई संविधान र कानुन विपरीत नियुक्त गरिएको भन्दै उक्त नियुक्ति बदरको माग शाक्यले गर्नु भएको छ । आफूले पदबाट राजीनामा नदिएको र बैधानिक रुपमा आफूलाई उक्त पदबाट मुक्त नगरेको जिकिर गर्दै शाक्य सर्वोच्च जानु भएको हो ।

मन्त्रिपरिषदको साउन २५ गते बसेको बैठकले घिसिङलाई प्राधिकरणको कार्यकारी प्रमुख नियुक्त गर्ने निर्णय गरेको थियो। घिसिङको नियुक्तिसँगै शाक्यलाई जल तथा ऊर्जा आयोगको विज्ञ सदस्यका रूपमा नियुक्त गरिएको थियो ।