झापा– बाह्रदशी गाउँपालिका–७ मा आइतबार राति पौने नौ बजे भएको सवारी दुर्घटनामा एक जना महिलाको मृत्यु भएको छ । मृत्यु हुनेमा सिराहाको लहान नगरपालिका बस्ने सरस्वती मगर छिन् । उनको घटनास्थलमै मृत्यु भएको हो ।
मगर प्रदेश १–०१–०१२ प १९४२ नम्वरको स्कुटीको पछाडि सवार थिइन् । घटनामा स्कुटी चालक स्थानीय प्रमिता कार्की घाइते भएकी छन् । उनको बीएण्डसी अस्पतालमा उपचार भइरहेको छ ।
स्कुटीलाई प्रदेश १–०१–००१ च ७२७७ नम्बरको कारले पछाडिबाट ठक्कर दिएको जिल्ला प्रहरी कार्यालय झापाले जनाएको छ । प्रहरीका अनुसार कार चालक इलाम जोगमाई गाउँपालिका वडा नम्बर–२ बस्ने ३२ जङ्गबहादुर बस्नेतले रक्सी खाएर कार चलाउँदा दुर्घटना भएको हो । प्रहरीले उनलाई नियन्त्रणमा लिएको छ ।
