१६ चैत्र २०८०, शुक्रबार | Fri Mar 29 2024

कोरोना पीडितलाई परिवार दलको राहत



झापा– नेपाल परिवार दलले प्रदेश २ का विभिन्न जिल्लामा राहत बाँडेको छ । दलका अध्यक्ष एकनाथ ढकाल आफैँ उपस्थित भएर राहत बाँड्नु भएको हो । पूर्वमन्त्री समेत रहनु भएका अध्यक्ष ढकालले मानवता सबैभन्दा ठूलो धर्म भएको बताउनुभयो ।

अध्यक्ष ढकालले कोभिड–१९ पीडित गरिब तथा असहाय परिवारलाई खाद्य सामग्री बाँड्नु भएको छ । मानव अधिकारकर्मी डा. सुशिला सिंहले खाद्य सामग्रीले मधेशका अति बिपन्न परिवारलाई ठूलो राहत मिलेको जनाउँदै धन्यवाद दिनुभयो ।

परिवार दलका प्रवक्ता सन्तोष पौडेलका अनुसार पर्साको बाइपास रोड, वाराको कलैया, रौतहटको बरुडा, सर्लाहीको नवलपुर, धनुषाको गोदार र ठेराकचुरी, महोत्तरीको मटिहानी, सिरहाको लहान, सप्तरीको महुवा बेलही र राजविराजका एक हजार परिवारलाई एक महिना पुग्ने खाद्यान्न बाँडिएको छ ।

प्रकाशित मिति : २८ श्रावण २०७८, बिहिबार ००:००  २ : ४७ बजे