प्रतिदिन दैनिक १५ औँ वर्षमा

झापामा थपिए २७४ संक्रमित

बिर्तामोड– झापामा कोरोना भाइरसको संक्रमण तीव्र हुँदै गएको छ । संक्रमितको बढ्दो संख्या कारण अस्पतालमा बिरामी भरिभराउ भएका छन् । समुदाय तहमा देखिएको संक्रमण नियन्त्रण बाहिर जाने खतरा बढ्दै गएको चिकित्सकहरु बताउँछन् ।

संक्रमणको तेस्रो लहर आउने विज्ञहरूको प्रक्षेपणका बीच संक्रमितको संख्या थपिँदै गएको छ । झापामा निषेधाज्ञा जारी छ तर पनि संक्रमितको संख्या घटेको छैन । जिल्ला स्वास्थ्य कार्यालय झापाले बुधबार साँझ सार्वजनिक गरेको तथ्याङ्कमा झापामा एकैदिन दुई सय ७४ जना संक्रमित थपिएका छन् ।

थपिएका संक्रमितको तुलनामा संक्रमण मुक्त हुने बिरामीको संख्या कम छ । कोरोना फोकल पर्सन जीवन चौलागाईंका अनुसार संक्रमितको संख्या थपिँदै जाँदा झापामा मानवीय क्षतिका घटना पनि बढेका छन् । बुधवार तीन जनाको मृत्यु भएको छ । संक्रमण शुरु भएयता झापामा ४७४ जनाको ज्यान गइसकेको छ ।

You may also like...

Leave a Reply

Your email address will not be published. Required fields are marked *