पुसबाट मुलुकमा २७ मेगावाट बिजुली थपिँदै पुसबाट मुलुकमा २७ मेगावाट बिजुली थपिँदै
आगामी पुसबाट मुलुकमा २७ मेगावाट बिजुली थपिने भएको छ। लमजुङमा निर्माणाधीन २७ मेगावाट क्षमताको दोर्दीखोला जलविद्युत् आयोजनाको काम पुसमा पूरा हुने भएको हो। योसँगै... पुसबाट मुलुकमा २७ मेगावाट बिजुली थपिँदै

आगामी पुसबाट मुलुकमा २७ मेगावाट बिजुली थपिने भएको छ। लमजुङमा निर्माणाधीन २७ मेगावाट क्षमताको दोर्दीखोला जलविद्युत् आयोजनाको काम पुसमा पूरा हुने भएको हो।

योसँगै आयोजनाबाट २७ मेगावाट बिजुली राष्ट्रिय प्रसारण लाइनमा थपिने भएको हो। हिमालयन पावर पार्टनर लिमिटेड कम्पनीद्वारा निर्माणाधीन आयोजनाबाट पुसदेखि बिजुली उत्पादन गर्ने तयारीसाथ काम अघि बढाइरहेको आयोजनाका प्रोजेक्ट म्यानेजर मुन्ना शाक्यले जानकारी दिए।

उनले भने, ‘बाँधस्थल, पाइप लाइन बिच्छ्याउने, विद्युतगृह, सुरुङ मार्गलगायत अधिकांश काम सकिन लागेका छन्। करिब ९५ प्रतिशत काम सकिएको यस आयोजनामा हाल मेसिन फिट गर्नेलगायत काम भइरहेको आयोजनाले जनाएको छ।

विसं २०७२ फागुनबाट निर्माण सुरु आयोजनाले २०७५ भदौ १५ गते विद्युत् उत्पादन गर्ने लक्ष्य राखेको थियो। तर नाकाबन्दी, अघिल्लो बर्खामा विद्युतगृहमा मस्र्याङ्दी नदीको पानी छिरेर मेसिनरी सामानमा पुर्याएको क्षति र सुरुङ निर्माण गर्ने क्रममा कमजोर चट्टान भेटिएकाले ढिलाइ हुन पुगेको योजनाले जनाएको छ।

पछि समय थपेर गत चैत मसान्तसम्ममा निर्माण सक्ने सम्झौता गरे पनि सोही अवधिमा पनि निर्माण कार्य सम्पन्न नभएपछि गत असारसम्म सक्ने गरी सम्झौता भएको थियो। तर कोभिड–१९ का कारण लकडाउनले निर्माण कार्यलाई प्रभाव पार्दा उक्त मितिमा समेत निर्माण कार्य सम्पन्न हुन नसकेपछि आगामी पुस महिनाबाट बिजुली निकाल्ने लक्ष्य लिइएको आयोजनाले जनाएको छ।

आयोजनाको बाँधस्थल २१२ मिटर ग्रसहेड छ। बेँसीसहर नगरपालिका–११ रामचोक बेँसीमा विद्युतगृह छ। आयोजनाका कार्यकारी प्रमुख गुरुप्रसाद ढकालका अनुसार नेपाल विद्युत् प्राधिकरण र उक्त कम्पनीबीच २०६९ असार १ गते पिपिए सम्झौता भएको थियो।

सुक्खा याममा आठ पैयाँ ४० पैसा र वर्षायाममा ४ रुपैयाँ ८० पैसामा विद्युत् खरिद गर्ने सम्झौता भएको आयोजनाले जनाएको छ। तीन अर्ब ८६ करोडमा निर्माण सम्पन्न गर्ने लक्ष्यका साथ अघि बढे पनि निर्माण सम्पन्न हुँदा झन्डै ४ अर्ब २३ करोड लाग्ने अनुमान आयोजनाले गरेको छ।

गैरआवसीय नेपाली सङ्घको ३५ दशमलव ७ प्रतिशत, आइएमई ग्रुपको ३४ दशमलव ३ प्रतिशत र ३० प्रतिशत सर्वसाधारणको लगानी छ।

बाँधस्थल र विद्युतगृहको काम रसुवा कन्स्ट्रक्सन कम्पनी, पाइप लाइनको माछापुच्छ«े मेटल एन्ड मेसिनरी कम्पनी र सुरुङ निर्माणको काम मल्टी इन्फ्रास्ट्रक्चर डेभलपमेन्ट कम्पनीको जिम्मामा थियो।

यस आयोजनाभन्दा अघि जिल्लामा ७० मेगावाटको मध्यस्र्याङ्दी जलविद्युत् केन्द्र, माथिल्लो ५० मेगावाट क्षमताको मस्र्याङ्दी ए लगायतका छ आयोजनाबाट राष्ट्रिय प्रसारण लाइनमा बिजुली जोडिइसकेको छ।

त्यस्तै यस २७ मेगावाटको दोर्दीखोला जलविद्युत् निर्माण भएको दोर्दी करिडोरमै यसबाहेक चारवटा आयोजना निर्माणाधीन छन् भने जिल्लाभरि झन्डै दर्जन आयोजना निर्माणाधीन छन्।