राप्रपा संयुक्त झापाको सिंगो टीम काङ्ग्रेसमा प्रवेश राप्रपा संयुक्त झापाको सिंगो टीम काङ्ग्रेसमा प्रवेश
विर्तामोड– राष्ट्रिय प्रजातन्त्र पार्टी संयुक्त झापाको सिङ्गो जिल्ला समिति नेपाली कांग्रेसमा प्रवेश गरेको छ । नेपाली कांग्रेस झापाको आयोजनामा विर्तामोडमा सम्पन्न पार्टी प्रवेश कार्यक्रममा... राप्रपा संयुक्त झापाको सिंगो टीम काङ्ग्रेसमा प्रवेश

विर्तामोड– राष्ट्रिय प्रजातन्त्र पार्टी संयुक्त झापाको सिङ्गो जिल्ला समिति नेपाली कांग्रेसमा प्रवेश गरेको छ । नेपाली कांग्रेस झापाको आयोजनामा विर्तामोडमा सम्पन्न पार्टी प्रवेश कार्यक्रममा ३७ सदस्यीय समितिमध्ये सभापति, पदाधिकारी, र ३५ सदस्यसहित दुईसय बढी नेपाली कांग्रेसमा प्रवेश गरेका हुन् ।

यसरी प्रवेश गर्नेहरुमा राप्रपा संयुक्त झापाका सभापति ओम मिश्र, उपाध्यक्ष चन्द्रप्रसाद योङ्या, विष्णु धिमाल, सचिव नेत्र कार्की, सहसचिव युद्ध लामिछाने, कोषाध्यक्ष कुलवहादुर धिमाललगायत समितिका सम्पूर्ण पदाधिकारी सदस्य, क्षेत्रीय समितिका सभापति, पदाधिकारी, सदस्य, लगायत रहेका छन् ।

पार्टी प्रवेश कार्यक्रममा बोल्दै अग्रज नेता दिलिप राईले राष्ट्रियता, प्रजातन्त्र र समाजवादको मूल मर्मलाई आत्मसात गरेरै कांग्रेसले मुलुकको हित र प्रजातान्त्रिक आन्दोलनमा गरेको योगदान देखेर प्रवेश गरेको बताए ।

विद्यार्थी संगठनका केन्द्रीय महासचिव रविन्द्र ढुङ्गानाले प्रजातन्त्रमाथि देखिएको खतराको अन्त्य गर्न कांग्रेसलाई वलियो बनाउनुको विकल्प नदेखेर राष्ट्र बनाउने स्वार्थसहित प्रजातान्त्रिक शक्ति कांग्रेसमा प्रवेश गरेको बताए ।

नेपाली कांग्रेसका पूर्व महामन्त्री कृष्णप्रसाद सिटौला, केन्द्रीय सदस्य केशवकुमार बुढाथोकी, सरिता प्रसाई, सुधिरकुमार शिवाकोटी, प्रदेश सांसद ओम सरावगी, झापा सभापति उद्वव थापा, उपसभापति राम कटेल, सचिव प्रेम सम्बाहाम्फे, कोषाध्यक्ष केशवराज पाण्डे, सहसचिव राजेन्द्र भण्डारी, प्रवक्ता लोकराज ढकाल, संविधानसभा सदस्य विश्वदीप लिङ्देन, पूर्व उपसभापति देउमान थेवे लगायतले पार्टीको सदस्यता प्रदान गर्दै अविर लगाएर स्वागत गरेका थिए ।

राप्रपा संयुक्तका झापामा ५ हजार बढी कार्यकर्ता रहेको र ती सबै कार्यकर्ताहरु कांग्रेस प्रवेशको तयारीमा रहेको अगुवा नेता राईले बताए ।