बिर्तामोड- झापाको कनकाई नगरपालिकाले आइतवार शोक बिदा दिएको छ । कनकाई १ का पूर्व वडाध्यक्ष रोशन पोखरेलको निधनपछि नगरपालिकाले शोक बिदा घोषणा गरेको हो ।
लामो समयदेखि क्यान्सर रोगसँग जुधिरहेका पोखरेलको आइतवार बिहान ५२ वर्षको उमेरमा निधन भएको थियो । पोखरेलको निधनप्रति दुःख व्यक्त गर्दै कनकाईले शोक बिदा दिएको हो ।
आइतवार एकदिनका लागि नगरपालिका कार्यालय र मातहतका वडा बन्द रहने गरी शोक बिदा दिइएको नगरपालिकाद्वारा जारी सूचनामा जनाइएको छ ।
